غربة

بدأت علامات الاكتئاب والحزن الشديد تظهر عليا والعجيب انى كنت عامله نفسي مش عارفه السبب او كنت بحاول أتجاهله أو ربما مكنتش متذكراه فعلا. 

. السبب هو اكتشافى انه باقي أقل من أسبوع وأرجع للوحده ومرارها.

 كنت فاكره انى مش هحس بحزن بعد ما اتدربت على الموضوع دا لمدة 3 شهور وشويه ودا كان اول تيرم ليا فى الكلية اللى رمانى اليها القدر 

 . وبرغم ان فى ايديا حل المشكلة الا انى مقتنعه ان مميزات الغربة أكتر من اجتتابها 

 وعشان أحاول أهرب من الخوف اللى سيطر عليا وسكن تفكيرى ، قررت أنى اقارن مشكلتى بمشكلة اى حد أسوأ من حالتى ودا اللى بلجأله دايما على اعتقاد منى انى بكدا هنسي مشكلتى لما أكعبلها على نفسي او أحمد ربنا على اللى عندى ومش عند غيري او أهون من غيري 

  أما عن المقارنة فكانت بينى وبين معتقلي الرأى والحرية فى زنازين الداخلية اللى منهم كتير 

 مجهولين .

المعتقل اللى بيعانى من برد الشتا فى زنزانة مهجورة لوحده كل اللى بيونسه صوت الرياح الشديدة.

  ولا المعتقل اللى اتمسك وبيتعذب دلوقت فى مكان ما منعرفوش .

فكرة المقارنه بين حالتى وحالة معتقل خلتنى أحس بشعور البؤس و زودت احساسي بالحزن العميق من وحدتى المرتقبة وغربة المعتقل عن حريته !!

المصالحه الثورية مش خيانه

المصالحه الثورية مش خيانه ، حلنا الوحيد او الحل اﻷقرب الى ذهنى هى المصالحه ، المصالحه بين التيارات والحركات السياسيه ال ثابته على موقفها من يوم 25 يناير من اﻷول ودى شئ مفروغ منه ، ﻷنه لازم نتكاتل وننسي اى مصلحه شخصيه ، المصالحه التانيه هى المصالحه مع التيار المنقسم حاليا وال بيمارس ضده انتهاكات لا تقل قسوه وظلم عن الانتهاكات الممارسه ضد بقية التيارات والنشطاء.

 دعونى اتخيل معكم هيئة وشكل المصالحه مع الاخوان اولا المصالحه ال هتحصل هتبقي مع افراد فى الجماعه واعضائها ال هم حبه من الشعب ال عاوز يعيش ﻷن معظم قيادات الجماعه معتقله وأكيد مش هنعمل مصالحه مع قيادات مشافوش غير مصلحتهم وبس لكن انك تعمل مصالحه وتوعيه للاخوان ال بينتهكوا دلوقت دا ليه مصلحه جماعيه كبيره ، صوتنا ضد الظلم هيكبر ، أعدادنا هتضاعف   ..

مش بقول ننسي انهم باعونا او خونونا بل بالعكس يوم ما تحصل المصالحه لازم نفكرهم كويس باللى عملوه ضدنا وال شوه صورتنا وال خلى طريقنا يفترق ، لكن بقول نحط خطه تجمع هتافنا ضد ظلم العسكر والحكم الفاشي ، خطه متماسكه للمصلحه العامه بعيدا  عن اى خلافات فاتت
احنا كنشطاء سياسيين بيتحبس كل دقيقه مننا حد ويطلع عينه وبرد الزنازين حواليه ، ولو متحبسش ميسلمش من حملات التخوين والتشويه المستمره عليه ..

لكن برده فى شعب غيرنا مطحون ، فى طبقه ليس من العدل اقول عليها فقيره ،لأن المصطلح دا بالنسبه لها رفاهيه وكرم منى ..  الطبقه دى بتحلم باليوم ال اكلها يبقي متوفر كل يوم وانها تتعالج بعلاج يليق بها كبشر ، ناس بتحلم تتعلم وتشتغل .. ناس عاوزه تعيش وبس ملهاش اى توجه سياسي ولا ليها خلافات مع سلطه ولا جاه ، ناس ماشيه جنب الحيط وحاطه ثقتها فينا وأملها اننا ننقلهم للحياه وننقذهم من مر فقرها
كل ال بقصده من كلامى اننا نحاول نفكر ازاى نصلح حال البلد ، تقدروا تقولولى لو فضلنا فى  خصومه كدا ايه هيتصلح ؟؟

احنا هنشد وهما يشدوا والفجوه بتوسع والحبل انقطع ، والنظام ال شيلنا حته منه هيرجع واسود من الأول واحنا مش واخدين بالنا عشان احنا بنشد عكس الاتجاه

كل يوم الظلم بيتسرب بكميات جوا البلد ومبنعملش حاجه وبدأنا نرجع بالظبط زى قبل ثورتنا ثورة 25 بنفس خطوات القبض العشوائي واعتقال الثوار وتلفيق التهم وفجر الداخليه ومع ذلك مخدناش ومش عارفين ناخد اى خطوه لقدام ، مش قادرين نحط خطه نواجه بيها ظلم القصور وفسادها
حتى مبقيناش قادرين نثور ؟؟

الهدف من الكلام انى افوق كل القوي السياسيه ، كل الشعب واقول ان لازم بسرعه نبدأ نفكر هنرجع ازاى نحارب عشان فكرتنا اللى مش ممكن تموت 


تنويه : تم تغيير عنوان التدوينه من " المصالحه الوطنية " الى "المصالحه الثوريه " بناءا على رغبة قارئ اقنعتنى :)

30-8 جمعة *الحسم* كما اسموها ..

هحاول احكى ال شفته فى المسيرة #الاسكندرية
انا نزلت لحقتهم عند #جليم كانوا واقفين مستنيين المسيرة ال جاية من ستانلي عشان يتجمعوا، كان العدد كبير وتقريبا مفيش عربيات بتعدى
وانا واقفه حصل خناقة صغيرة بين اطفال شوارع بس من #جليم ، انا شايفاهم كذا مرة قبل كدا ، ودى كانت الخناقة الوحيدة طول ماانا ماشية
بعدين بدأنا نتحرك والهتافات كانت *الانقلاب هو اللارهاب* واغانى الشرعيه و*يانجيب حقهم يا نموت زيهم *
فضلنا ماشيين لحد ما وصلنا مكان انا مش عارفاه بس كان فيه حد م الجيش ، فمتظاهرانفعل عليه وبدأ يهتف جامد يسقط يسقط حكم العسكر
وكمان *ياأبو دبورة ونسر وكاب احنا اخواتك مش ارهاب* .. ف نفس الوقت فى متظاهرين بدأو يمشو الناس بسرعة م الحته دى عشان ميحصلش صدام
مشينا كمان حبه لحد ما بقينا بين لوران والسرايا والناس بدات تقعد والمسيرة وقفت وفضلو يهتفو حبه واغانى
الساعة 6 الميكرفونات ع العربيات بدأت تناشد الناس بالانصراف والناس بدات تروح
مع العلم ان اللافتات كان ما بين اشارة رابعة و صور مرسي ولافته صفرا مكتوب عليها اليأس خيانة
دى كانت شهادتى عن #المسيرة ، بكرر وبأكد انى نزلت عشان اشوف بعيني ال بيحصل والعدد وكل دا لكن نزولى مش معناه تأييد

Five letters

My essay is about five letters which can turn your life from desperation into hope . Five letters can make lives better . The five letters are S , M , I , L and E . It is Smile . Smile and be optimistic . Smile and love the life . Smile and thank Allah for this smile .Smile and wish . Smile and dream anything  . If you can Dream it , you can Do it .

Why we have to be nervous all the day ? Why we usually look for anything which make us sad ? Why we can not enjoy the best things of life ?

In fact we don’t have the policy of enjoying best and free things in our life as health , friends , happiness , dreaming and love . Moreover , if we believe that our life has a positive side , we will enjoy it .

In the sameway , the purpose of life is a life of purpose .

In conclusion , if you smile all the time or for a while you will be satisfied with yourself and your life . You will have a really , happy , true life .

افـــراج

" مكملين طول ما فى الحبس مظاليم "

لم اكن اعرف هذا الشعار والى اى حملة ينتمى .. والان انا اراه بالصدفة فى صفحة من صفحات جريدة

" المصري اليوم "

فعجبت لبشر مهتمون بالقضية لهذا الحد وليسوا فقط ممن يكتبون فى صفحاتهم الشخصية فى الفيس بوك او التويتر كلمات تضامن ومطالبة بالافراج شكلا وليس عملا .. وعندما قرات عن هذه الحملة عجبني قوة ايمانهم بالقضية .

فهذه الحملة لم تعفي شهر رمضان الكريم من التضامن مع المحبوسين عسكريا والمحاكمون فى قضايا ثورية بل ظهرت لها اعمال وكان احد اشكال العمل التضامنى الفعلى مع ابطال قضيتها هو توزيع شنط رمضان على اهالى المحبوسين عسكريا نظرا لحالاتهم المادية ، كما قرروا تنظيم افطار جماعى مع اهالى المعتقلين فى القاهرة والاسكندرية والسويس حتى لا يشعرون بفقد اغلى ما لديهم ، كما انفرد شباب الحملة بتوزيع التمر وقت الافطار بين السياراتوانفردوا ايضا بارفاق تذكيرا بقضية معتقلي الثورة .. ولعلى تذكرت موقفا مشابها قرأتة على احدى صفحات الفيس بوك وهو ما فعله شباب حركة " 6 ابريل " فقد قاموا ايضا بتوزيع التمر على الصائمين فى الطرق ولكن مع اختلاف ما ارفقوه مع التمر فقد ارفقوا صورا لشهداء الثورة .

ولعلها تذكرة لمن ينسي

"" والمجد كل المجد للشهداء والمعتقلين ""

على انغام المشربية

المشربية هى فرقة مصرية قائمة على الجهود الشبابية .. حبيت احساسهم بالفن المحترم ال بيغنوه ..

فرقة المشربية مكونة من : فريد جاد عازف ومطرب
سومر الناصر من سوريا
نغم صالح من مصر

http://www.youtube.com/watch?v=hJKVWlFe6yA&feature=player_embedded

لكننا سننتصر

BY : Dino Designs