بعد كدا مطالبنا هنحققهــــــا سلمية من الفيس بوك

كل حاجة فى الدنيا اتطورت وصورتها اتغيرت مع مرور الوقت , الا المظاهرات .. ليه المظاهرات ما اتطورتش ؟؟
مش عارفه بس ال لازم نعرفوه انها لازم تتطور ..

فى المظاهرات التقليدية بنبقي طالعين 100 واقف علينا 20 واحد امن مركزى وواحد متزعم الموضوع ويبدأ يولعها
وتبدأ الخساير والاصابات والدمار ..

احنا فى سنة 2011 وفى ظل طرق الاتصال والفيس بوك والتويتر وغيرهم افترح التالى : المظاهرات ال جاية تبقي على النت
يعنى مثلا فى البيدج دى او غيرها فى النوتس –
Notes ..
بتاعتها نكتبوا المطالب وال موافق يعمل لايك ولما الصفحة يبقي عليها 3 او 4 مليون لايك مجموعة تاخدها توصلها للمسئولين
او تطلع فى التليفزيون نقولها وبكداا نبقي قدرنا نوصل رأينا بطريقة سلمية وحضاريه ومن غير مظاهرات فيها اصابات وخسائر فى الارواح والممتلكات ومن غير ما نلاقى ناس ركبت موج التظاهر وبدأت تبث الفتنة بين الناس ..

لو عجبتكم الفكرة شاركونا على البيدج دى 

http://www.facebook.com/pages/bd-kda-mtalbna-hnhqqha-slmyt-mn-alfys-bwk/188798384487747?sk=wall

احد الشهداء

اول يوم دراسي .. حداد على اخواتنا الشهداء

http://www.facebook.com/pages/hdad-ly-shhdayna/188150867882655?v=wall
يا جماعة الفكرة ببساطة
إن احنا هنقف وقفة منظمة وبشكل حضارى من الساعة 2 إلى الساعة 4

او ممكن نحدد وقت تانى
بس احنا الكلام دا هيكون اول يوم دراسة وممكن نستمر فيه كذا يوم
ودا هيبقي
حداد على اخواتنا الشهداء اللى ماتوا وهما بيدافعوا عن حريتنا وبيطالبوا بيها
وهانكون عاملين دايرة كبيرة مرتبين فيها ومعانا لافتات عليها صور الشهداء علشان كل الناس تعرفهم ،، كمان لافتات تأييد للثورة اللي هما دفعوا دمهم تمن ليها

.

إن شاء الله كلنا هنربط شارة سودا طول اليوم على دراعنا عشان لما حد يسألنا نعرفه بشهدائنا الأبطال
وممكن نخلى الشارة دى فترة يعنى كام يوم على ايدينا لحد ما نتأكد ان الناس كلها عرفتهم

بالنسبة لطلبة المدارس احنا ممكن نرتب مع كل مدير انو يبعت دعاوى يعرف بيها اولياء الامور انها هتبقي حاجة سلمية واقل حاجة نعبر بيهها على ال جوانا وعشان مايبقاش فى خوف على الطلبه

وبالنسبة لمكان الحداد احنا ممكن نتفق على مكان واحد فى كل المحافظات يبقي بارز ومعروف
.
.
يا ريت كلنا ننشر البيدج

وياريت اى حد عندو فكرة تانية فى الموضوع يقلنا على
wall البيدج
او يبعت على لينك البروفايل دا
http://www.facebook.com/SiLeNt.nova
او دا
http://www.facebook.com/el3gezy
.
احنا جيل الحريّة

لو بتحبها احميــــــــــــــــــــــــــــــــــــــــــــــــها

لو بنحب مصر كلنا يبقي لازم نحميها .. نحميها من كل حاجة .. الفتنة .. البلطجية .. امريكا .. اسرائيل .. وكل بلد عاوزة تهدم مصر يبقي لازم نقفلها .. شباب مصر بيهم هتقف البلد على رجلها من تانى .. فى ايه لو نزلنا ننضف بلدنا فى حملات .. فىها ايه لو ساعدنا الشرطة فى القبض على المجرمين الهاربين .. ولو ساعدناهم فى المرور ..
بجد لو بتحبـــــــــــــها .. احميـــــــــــــــــها

سمعونا صوتكم .. السلام عنواانا

احم احم

خير يا مسلمة يا وش الخير؟؟

يا نقطانا معاكى

طيب قولوا لى الأول السلام عليكم يا مسلمة؟

ماشى يا مسلمة..السلام عليكى ^_^

و عليكم السلام و رحمة الله و بركاته

بصوا يا شباب..ببساطة و بدون رغى كتير

أنا مسلمة مصرية

بقول مش عايزة الرئيس مبارك كرئيس

كفاية أوى لحد هنا

بس دلوقتى جارتى عايزة مبارك

ها نعمل ايه؟؟

أنزل أنا وهى لميدان التحرير و نعمل زى التهريج اللى أنا شايفاه ده؟؟؟؟؟

أنا واحدة بتحب الموز و أختى بتكرهه

المفروض ايه اللى يحصل؟؟

أعمل حدود ما بين السرير بتاعى و بتاعها؟؟

أقول لبابا يكرشها لأنها بقت دسيسة و بتأيد البطيخ على الموز؟؟

أعتبرها جاسوسة على الموز؟؟

حد يرد عليا؟؟؟

يعنى ايه أبقى مصرى بضرب فى مصرى زيى لمجرد إنى أختلفت معاه فى وجهة نظرى؟؟

هو مش عايز الرئيس مبارك..هو حر

و إنت كمان ياللى عايزه حر

إنما نضرب ببعض؟؟

يا فرحة اللى ما تتسمى فينا

عيب يا شباب..طيب و الله لقيت واحدة فى بروفايلى شتمتنى أنا و صحباتى علشان قولت إنى منتظرة رئيس آخر

أيوة شتيمة..و ياريتها شتيمة واحدة

بس أنا عملت نفسى مش واخدة بالى و اتبعت شعار

هى الشتيمة بتلزق؟؟هههههههههههه

أرد عليها اشتمها زى أما هى عملت؟؟

لأ طبعا..لأنى مسلمة أولا و متربية ثانيا و مش متعصبة ثالثاً

إنما ألاقيكوا كشباب بتضربوا بعض فى الشارع و متجمعين على واحد مختلف مع رأيكوا و نازلين ضرب فيه؟؟؟؟؟؟

ليه؟؟؟

يا شباب فيه حاجة لازم كلنا نعترف بيها إن البلد بااااااااااااااظت

مبانى اتحرقت

حياة عملية وقفت

بنوك مفيش

البورصة صفر

التجار مستغلين الموضوع و بيغلوا الأسعار

أنزل أشترى كارت فودافون 100ألاقيه ب 140 ليه؟؟؟؟

و بالنظر لكل ده…مش فيه وقت نضيعه يا شباب فى إننا نتخانق مع بعض

عيب عليكوا و الله اللى بيحصل ده

لازم نفوق بقى شوية لإصلاح البلد دى

الرئيس مبارك هيمشى زى أما بعضنا عايز و أنا واحدة منكوا

الوزراء بيتغيروا

نائب رئيس و بقى موجود

الحكومة و بتمشى

جميل أوى كده..مش دى طلباتكوا؟؟

طيب غيرنا عايز ايه؟؟

غيرنا عايز يعمل فتنة ما بين حضرتك يا مؤيد للرئيس و يا معارض

هتديله الفرصة؟؟

هتستنى شخص زى البرادعى ماكنش موجود لا يوم 25 و لا 26 و لا 27 و لا 28 و كان فى النمسة

و فجأة جه و قال يهيص فى الهيصة و يبقى رئيس على قفانا..ها هنديله الفرصة؟؟

و برضه مع إحترامى للناس اللى عايزاه مع إنى مش فاهمة سبب لترشيحه من أساسه بس مفيش مشكلة وجهة نظركم أحترمها و على راسى

لغاية إمتى؟؟

ما نسيب لكل واحد وجهة نظره و فى نفس الوقت يبقى أخويا؟؟

طيب الملخص ايه يا مسلمة؟؟

الملخص أنا مش عايزة الرئيس و فى نفس الوقت ارفض عدم إحترامه

أرفض الأب اللى شايل بنته على ضهره و بيعلمها تقول حسنى اتجنن

أرفض أشوف لافتات بتشتم فى الراجل ده

أرفض ده أيا كان هو رجل حلو أو وحش

بس على الأقل أرفض عدم إحترامه لأنى

مسلــــــــمة ♥♥

دينى مش قالى إشتمى و لا هزأى

بس دينى قالى قولى وجهة نظرك و إختلفى زى أما إنتى عايزة بس مع إحترامك لوجهة نظر الغير

شباب..شكرا لأنكم طلعتوا صوتى

شكرا للجان الشعبية اللى قامت بدور الشرطة

شكراً و تصفيقا للشباب المصرى اللى نضف الشوارع

شكرا لتغييركم الماضى

شكرا للى قال رأيه بإحترام

و لكن

حان الوقت لنفوق

يعنى ايه؟؟

يعنى إنتى أختى و هو أخويا و كلنا مصريين

و نسيبنا من الخناق و الكلام الفارغ و يالا نقيم البلد دى تانى زى الأول

لا نلاقى المؤيدين عمالين يشتموا المعارضين و يقولوا اللى خربوا البلد أهم

و للا المعارضين يقعدوا يقولوا المؤيدين هيبوظوا تعب أيام فى ساعات

كل واحد ليه رايه و عليك أن تحترمه

شئت أم أبيت

أنا كمان نفسى أعرف رايكم فى اللى اتقال..هل إنتم مؤيدين و للا معارضين و ليه؟؟

و هل 30 سنة مش كانوا فرصة للرئيس مبارك لمن يطالب بإعطائه فرصة جديدة؟؟

مين أعطى الاوامر للشرطة بالإنسحاب؟؟ مين فتح السجون كلها فى وقت واحد؟؟

حابة أتناقش و اعرف فكركم و إزاى نبتدى فى الإصلاح من تانى

ملحوظة بس بسيطة قبل أما أمشى

اى كومنت فيه أى لفظ خارج ..مش محتاجة أقول إنه هيتمسح

بس طبعا المختلفين معايا فى الرأى إستحالة ألغى كومنتاتهم طالما إحنا بنتناقش بكل إحترام

و السلام عليكم

♥♥

وللامانة منقول (يعنى مسروق )

من اهم مكاسب ثورة 25 يناير2011 علي المستوى الفكاهي:

من اهم مكاسب ثورة 25 يناير2011 علي المستوى الفكاهي: عودة المرأة المصرية الى موطنها(بيتها و مطبخها),تعارف الجار على جيرانه و الوقوف دفاعا عن الممتلكات بثبات و خطط محكمة(وضع خطط لاحصر لها ومتاريس متعديش العرسة)،زيادة الوعي السياسي بمعدل يدعو الى القلق(اذ اصبح الجميع خريج اقتصاد وعلوم سياسية)،اشتغال بعض الأميين والعاطلين .…..في مهن خيالية(محللين سياسيين ورجال شرطة)..ولسه

قصيدة جحا للشاعر هشام الجخ

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف ……إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى … عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى … ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله