سهرت الليالى

سهرت الليالى اتمنى الامانى     وطلبت الرضا من الهــــــــــــى

عسي يثيبنى ولا يعاقبنــــــى     من الذنوب والمعاصــــــــــــــي

أطيع ربي لكى يحمينــــــــى     من عذاب يوم ألقي فيه مصيري

وتمنيت أن أكون مع رسولى     فى جنة لكى تحمينـــــــــــــــــى

وتمنيت لو أصون نفســـــــي     من عذاب النـــــــــــــــــــــــــار

حيرتى تزداد ما بيــــــــــــن     كافر و مؤمــــــــــــــــــــــــــــن

فكيف أكون من الصالحيـــن     يا الهــــــــــــــــــــــــــــــــــــــى

طريق الثورة فى وثائق امن الدولة !

دول وثيقتين من وثائق ال طلعوها ايام حريق فى امن الدولة ..

يعنى انا قررت افتحهم واقرا شويه فيهم .. وياريتني ما قريت .. 

----------------------------------------------------------------------------------------

للناس بقا ال بتقول ان شباب الثورة بلطجية .. اقرو وانتم تعرفو مين البلطجية ؟؟

ومش هقول غير حسبي الله ونعم الوكيل !!

اسيبكم مع الوثائق

الجزء الاول  

الجزء التانى 

سامحيني ...من "طاهر" إلى الراحلة"نهلة ...إذا سمحا لي .

سامحيني

* على لسان صديقي الحبيب "محمد طاهر" لمحبوبته الراحلة "نهلة"..... له كل الدعاء بالصبر ،ولها بالرحمة.

أنا مسامحك

برغم انك فارقتيني

وسبتيني

بتلهبني سياط البعد

وبتحرق جدور قلبي

...وتكويني

وسبتي الفرقة تتلفلف حوليّا

فتخنقني

فارقتيني

فكل العمر فارقني

ووقفتي دبيب روحي

ودستي بإيد رحيل ضيّك

على جروحي

قتلتيني

لكن برضه :

أنا مسامحك

ما هو انتي اللي

وانا ميِّت

كتير كنتي بتحييني

وانتي –رغم طول حرماني- في الدنيا

وهبتيني

ربيع العمر ، وشروقك

وكنتي كل أطواقي ،

ف لحظة خوف بتملكني

،وسمحتي لي أكون طوقك

فانجيكي ...

وأنا أصلاً بانجيني

أنا مسامحك

يا كل معاني للبسمه

ميعرفهاش سوى انتي

وكل الكون يهون عندي

لكنك –عمر- ما هنتي

أنا مسامحك

برغم إني سمحت لـ"موت" يفرقنا

....يغرّقنا

فعلشان خاطري يا "نهلة"

تسامحيني.

أحمد دومة.

الراجل الامور ال سموه جاسوس ^_^

بعيد عن ان الراجل حلو وامور وشكله متواضع .. انتم مصدقين ان دا جاسوس !! .. ولا هى تدبيسة والسلام !! .. وكلام بقا من ان الثورة هددت الامن والوطني ..  والثورة زرعت جواسيس لمصر .. والثورة قامت بالترويع والذعر .. واحلى منشتات الجرايد بقا يا ابو سوسو ...

طب يا ناس يا محترمة يا مثقفين ياللى ماسكين البلد ..  دا لو جاسوس واسرائيلي يعنى حبيب هارتنا كلنا واللى يمه يمسنا مش قلتلكم حبيبنا كلنا !! الهم .. مش جه الوقت نعرف اعدائنا .. مش جه الوقت نقطع عنهم الغاز ونبطل نديهم أمان  !!

وفى النهاية فاذا كنت سأصدق الداخليه والحكومة فى ان هذا الرجل جاسوس اسرائيلي الم يأتى الوقت ان توقفو تصدير الغاز بابخس ثمن وان تلغو الاتفاقيات وان تفكرو فى وطنكم  للحظة !!

حساب الجاسوس الشرير اهو ع الفيس 

http://m.facebook.com/ilan.grapel?_rdr

عشان لما يخرج بالسلامة دا لو يعنى .. تبقو تقولو ليه .. من انت !! ^_^

ودا كمان الاكاونت بتاع تويتر ^_^ 

http://twitter.com/#!/IGrapel

ملحوظة : سوكتى قالتلى سميه جاسوسو ^_^ ايه رأيكو :D

: Byأميرة الجمل

اظنها اليوم تسلب منا ..

من منا لا يشتاق للحرية ؟

من منا لا يتألم لمجرد الحديث بجرأة وشجاعة وحرية ..

الحرية التى نادينا بممارستها لانها حق مشروع لنا ..

وكانت حرية الرأي والتعبير مطلب لا يقل اهمية عن اى مطلب فى ثورتنا ..

ولكن ...

ماذا بعد ان نادينا بها ؟

هل حقا مارسناها بالشكل الذي اردناه وقتلنا من اجله ؟؟

اظنها اليوم تسلب مننا ويحجر على آرائنا ..

هجوم الفيس والتويتر .. اهجمو بغباوة

من وقفة خالد سعيد بالاسكندرية

 

    محدش يعيب ع الموبايل بقا :D :D

قالولي بتحب مصر فقلت مش عارف

قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد

كان الجواب ان واحد سافر اسرائيل
وانا أبويا قالوله يللا ع الترحيل

دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني

قالولي بتحب مصر فقلت مش عارف

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور

أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي "هل قبلتِ به"
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور

قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز

لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب
بس المصيبة إذا الآية اخترعها الشيخ

يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان

يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين

والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر

قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف

أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة

يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بلكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن كحك وتين
يا ألف مدنا وجرس، لألف ملّة ودين
يا أهل مصر اسمعوني، والكلام أمانات
قلتولي بتحب مصر فقلت مش عارف
روحوا اسألوا مصر هيّه عندها الإجابات

لــــ تميم البرغوثي