هتكلم معاكم عن الاستفتاءات شويه وال حصل فيها ..
انا عن نفسي مليش صوت لان معنديش بطاقة بس قررت انزل اللجان واشوف الجو هناك ..
.بجد حاجة غريبة .
- عربيات كبيرة بتنقل ناس زى ما كان بيحصل فى انتخابات الحزب الوطنى
- مندوبين واقفين على البوابات بيقولو " متنسوش تقولو نعم هه " والمفروض الرد يبقي ايه !! " متخافش انا مفهمهم على كل حاجة " اطمن
- نفس المشهد انا شفتة ايام انتخابات الحزب والمندوبين بردو متنساش رقم 7 متنساش رقم 12>>
- عاوزة بقا ...اطمنكم ان الاغلبية هيبقي نعم .. وان لله وان له راجعون من رأيي الثورة ماتت
------------------------------------
الغريب بجد فى الاستفتاءات
- ان كان فيه فى لجان معينة صناديق زجاج
- ولجان تانية فيها صناديق متقفلة مش باين فيها حاجة
- ولجان تالتة مفيهاش صناديق اصلا !!!!
-----------------------------------
من الحاجة الغريبة النهاردة كمان ان الحبر كان مضروب يعنى بيتمسح ع طوول .. ودا حصل في سنة من السنين فى انتخابات انا مش فاكرة كانت تقريبا بتاعة رئاسة الجمهورية ايام ايمن نور .. وسائل اعلام كتير حذرت من الموضوع دا
-==============================
ودا ال انا شفتة النهاردة بعيني مش هقول سمعت حد او قريت على الفيس بوك او التويتر بس بجد الناس كانت محتاجة توعيه
هتقول نعم يبقي ايه ال هيحصل وهتقول لا يبقي ايه ال هيحصل
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
لكن فى النهاية هنقول
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
الاستقرار سيتحقق بأحترامنا لنتيجه التصويت ..سنحترم جميعاً نتيجه التصويت أى كانت..وسننجح فى الاختبار ونخبر العالم كله ان المصريين نجحوا فى اول اختبار للديمقراطيه ..كما نجحوا فى ثورتهم العظيمه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ليست هناك تعليقات:
إرسال تعليق