تعبت من كتر الكلام

رسالتى للمجلس الاعلى للقوات المسلحة مش الجيش بأفراده .. يعنى رسالتى للمشير واتباعة ..

هو ليه عجلة القرارات بطيئة .. ليه كل حكم لازم يحصل ضغط من الشعب عشان يفوقكو .. هو انتم عقلكم مش ناضج للمستوى ال تعرفو بيه ايه ال المفروض يتعمل !! .. مش عارفين من ظالم ومين مظلوم !!

مش عارفين ان دا شعب بيسكت ساعات وايام وسنين وينفجر فى لحظة غضب تطيح بالكل ؟!!

احنا شعب مر ب30 سنة فقر وقهر .. ذل واهانة  .. تعب ومرض .. حياة بلا تنفس .. احنا شعب تمرد على نظامة وحكومته وعملنا ثورة وكانت من اعظم الثورات

وحققنا مطلبنا وهنحقق بقيت المطالب و زى ما نزلنا يوم 25 يناير هننزل تانى 27 مايو ومش هنسيب حقنا ال ضايع وتايه ..

بجد انا تعبت من الكلام جوايا كلام كتير بس مش عارفة اطلعه .. هم ليه ساكتين ع العادلى وعز وجرانة والمغربي ومبارك الbig boss

هم ليه حاكمو امين شرطة فى محاكمة استثنائية وسايبين الكبير بتاعه تحت مسمى انه لازم يتحاكم محاكمة عادلة زى القانون ما بيقول ؟؟

هم ليه ناسيين خالد سعيد وسالى زهران و واحمد بسيونى ومحمد محروس وحسين طه ... الخ وغيرهم كتير

ليه مسخرين لمبارك الوقار والاحترام و لسه بيذلو فى الشعب

فى الاخر مفيش غير اننا نقول

يوم 27 ع التحرير راجعين ... وانا مش حاسس بالتغيير عشان كدا حنزل التحرير

----------------------------------------------------------------------------------------------

ودى مطالبنا يوم 27 عشان نبقي موحدين :))

http://imageshack.us/f/59/333sjg.jpg/

 by : amira el-gamal