اصلى بصراحــة ضد الجماعـــة !

فى يوم من ايام الامتحانات كنت بذاكر تربية وطنية .. فكان المنهج شخصيات زى رفاعة الطهطاوى وجمال الدين الافغانى وعائشة عبد الرحمن .. ناس فكرها وعلمها اكتر بكتير من الموجود دلوقت .. ناس سخرت نفسها للعلم والاستفادة .. ناس مكانتش تعرف المستحيل .

المهم جيت عند شخصية الشيخ محمد عبده .. محمد عبده من مواليد محافظة الغربية .. كان تعليم ازهرى ..

وبما انى فى 1 ثانوى يعنى التعليم المصري العقيم الاصلي : يعنى لازم اعرف الشخصية اتولدت فين وسنة كام واهم الاعمال واحسنتم !!!

المهم كان من اهم الاعمال :

1- احترام العقل واحترام حرية التفكير .

2- محاولة التوفيق بين الإسلام ومطالب العصر . لذلك فقد أفتى بأكل اللحوم التى يذبحها النصارى . ولبس البرانيط وأباح الصور والتماثيل ودعى إلى تعلم اللغات الأوربية . والقول بحرية الإنسان فى أعماله . وفهمه الصحيح للقضاء والقدر ودعوته إلى العمل وعدم التواكل .

3- تحكيم العقل فى فهم الدين والشريعة .

4- هاجم الصوفية وطرقهم فى الموالد واعتبرها نوعا من الشعوذة .

انا هتكلم ع تانى نقطة ... وبالذات ( اباح الصور والتماثيل ) ...

يعنى الشيخ محمد عبده .. شيخ كبير وعظيم .. معروف وذات تقدير .. وكمان تعليم ازهرى .. يعنى ع الاقل دارس الدين والاسلام كويس ..

وفاهم امور الدين والحلال والحرام  .. الصح والغلط ...

وأبــــــــــــــــــــــــــــــــــــــــــــــــــــــــــــــــــــــــــــــــــــــاح التماثيل ..

فلما نتفاجئ من كام يوم بإن الاخوة السلف يهدمو تمثال لجمال عبد الناصر .. يبقي تسمحولى اقول ان دول جماعة معندهاش فكر
بينفذو من غير ما يفكرو .. كلامهم غير فعلهم ! .. 

طب ودول يبقو جماعه اسلامية ازاى .. دا حتى يبقي اسمه نفاق ! .. ولا هما مسمعوش فى اسلامنا بحاجة اسمها نفاق !

وفى الوقت دا سمعت كلمة عجبتنى اوى : إذا تركنا من هدم تمثال عبد الناصر دون حساب فسيهدمون أبو الهول

ما عمرو بن العاص اما فتح مصر مدخلش هدم الاهرامات ولا ابو الهول ! .. ولا قال دول حررام !!

ع العموم الكلام دا كان شحنة محتاجة تفريغ ..
بصراحة كنت متدايقة من افعال السللف + الاخوان !

اصلي بصراحــــــــــــــــــــــة ضد الجماعة !!!




By : Amira el.gamal 


twitter : http://twitter.com/#!/nova_masreya

Facebook : http://www.facebook.com/SiLeNt.nova